Espazo Atlántico fecha con éxito a súa primeira edición

A feira de arte contemporánea de Vigo, que se celebrou por vez primeira coa denominación Espazo Atlántico, fechaba na noite de onte as súas portas con bos resultados. A organización calcula en arredor de 30.000 o número de visitantes do evento, 10.000 máis que nos anteriores encontros de arte celebrados na Cidade Olívica. Ademais, institucións coma as fundación Barrié e María José Jove, Caixanova ou a propia feira realizaron importantes adquisicións para as súas coleccións, e en xeral o balance económico tamén foi positivo para os participanes. En diferentes medios recóllense opinións de galerías e asistentes que salientan a necesidade de continuar coa celebración do evento en vindeiras edicións.