Catorce mil visitantes consolidan o Culturgal

A edición do Culturgal de 2013 fechaba onte a súas portas logo do que a organización da Feira das Industrias Culturais calificou como un éxito. Catorce mil visitantes amosan un "panorama optimista" para o futuro do evento, segundo asegurou Xulio Amigo, presidente da entidade que o organiza. Ademais, case un vinte por cento dos asistentes aboou a entrada voluntaria de tres euros para acceder á feira, o que para a organización supón unha resposta ao seu chamamento á corresponsabilidade co público e as empresas para deseñar o futuro da feira e lle dar continuidade.