Pontevedra acollerá o Culturgal 2011

Xulio Amigo, presidente da Asociación Culturgal, anunciou esta mañá a continuidade da feira das industrias culturais galegas. Pontevedra recuncará este ano como sede do evento, que se celebrará o último trimestre do ano. Amigo destacou a consolidación do evento e o éxito da última edición, salientando que participaron 67 empresas fronte ás 60 de 2007 e ás 75 do 2008 e que pasaron pola Feira máis de 14.000 persoas, malia a contar con menos días do que ediciónns anteriores. A organización do evento convocou unha praza para se facer cargo da dirección desta vindeira edición.