O Culturgal 2010 celebrarase na Coruña entre o 10 e o 12 de setembro

A nova edición de Culturgal, a Feira das Industrias Culturais, xa ten data. A Coruña acollerá este evento entre os días 10 e 12 de setembro, segundo anunciou onte o presidente da recén constituida Asociación Culturgal, Xulio Amigo. A feira contará nesta ocasión co apoio da Axencia Galega das Industrias Culturais e mais do Concello da Coruña. A nova edición está organizada pola Asociación Culturgal, que reúne a Asociación de Editores, a de Produtores Fonográficos, o colectivo de Empresas Musicais e mais Escena Galega.