A asemblea do IGI propón a Díaz Pardo para integrar a nova administración

Baixo o supervisión dunha xuíza, o Instituto Galego da Información (IGI) desenvolveu onte unha asemblea de socios. Un encontro con pouca afluencia no que se evidenciaron os dous bloques que desde hai tres anos existen no grupo Sargadelos (o IGI é unha das múltiples empresas que ten o complexo empresarial de base cultural que debe a día de hoxe máis de 3 millóns de euros). O intelectual Díaz Pardo, que residía ata o domingo no edificio, non asistiu e presentou, a través do seu fillo, a súa dimisión irrevogable. Sen embargo, o sector de socios maioritarios que hoxe controla Sargadelos aprobou a proposta de incluír a Díaz Pardo no grupo dos novos administradores. En relación con este conflito, o intelectual declarou no xulgado de Viveiro pola querela que presentou contar seis conselleiros da empresa pola forma na que foi destituído pola presidencia do grupo.