É o complexo empresarial-cultural por excelencia. Iniciado por Luis Seoane e Isaac Díaz pardo foi o xermolo dun proxecto empresarial no que as plusvalías se reinvertían en cultura (principalmente a través do Instituto Galego da Información, o Laboratorio de Formas e o Museo Carlos Maside). Así ata que hai tres anos un novo equipo se fixo cargo da empresa de cerámica e comezou a apartar a Díaz Pardo dos postos de responsabilidade do grupo empresarial. Despois de campañas e manifestos de denuncia, El País publica hoxe que a Xunta ten previsto facerse cargo de todo o entramado cultural a través dunha fundación que terá como presidente a Díaz Pardo.
