Hai moitas formas de achegarse á figura de Isaac Díaz Pardo. Pódese facer a través da súa personalidade, da súa creación artística ou dos moitos proxectos que impulsou. Todas estas facetas son as que atenderá a Asociación Cultural “Fuco Buxán” de Ferrol. Hoxe inaugura unha exposición que recolle o legado do “Laboratorio de formas”, proxecto que Díaz Pardo compartiu con Luís Seoane e que supuxo o nacemento do deseño galego e do grupo de empresas Sargadelos. Dúas mesas redondas, a presentación dun libro e un acto no teatro Jofre completan o programa.
Máis información no web da Asociación Fuco Buxán e na nosa hemeroteca sobre Díaz Pardo
