Chema de Luelmo: S/t, 2002-2008
Walter Benjamin (Berlin, 1892- Portbou, 1940) é unha das figuras máis relevantes do convulso século XX. A fundación Luis Seoane achégase á súa figura a través dunha exposición que percorre o último camiño do filósofo e escritor alemán. A fotografía de Chema Luelmo presenta a fronteira hispano-francesa (en Portbou) na que se suicidou Benjamin pensando que non lle deixarian cruzar os controis. O filósofo tiña pensado ir a Nova York onde o estaba a esperar Theodor Adorno (un dos fundadores da Escola de Frankfurt). A exposición, que ten o título Unterwegs. Al paso de Walter Benjamin, pódese ver na sede da fundación ata o 21 de marzo.
