Compostela enfronta o Xacobeo con recortes na programación cultural

Ao Concello de Santiago fáltalle un millón de euros para manter a programación cultural do último ano. A política municipal de recortes orzamentarios ameaza con tirar a cuarta parte dos 3,5 millóns de euros cos que contou o departamento de Cultura no pasado ano. Socorro García, resposnable desta área, sinalou ademais que se produciu unha drástica caída dos patrocinios privados e que o apoio doutras administracións é insuficiente. Ante esta situación a cidade aspira a manter os ciclos que se desenvolveron no último ano, coma o programa Entredanzas ou a mostra de arte A cidade interpretada II. Como novidades, prevense actividades arredor de Uxío Novoneyra e do congreso internacional de literatura infantil e xuvenil que se celebrará na cidade.