O Concello de Vigo adquire o Arquivo Ksado

As preto de mil placas fotográficas, entre outros obxectos, que conforman o arquivo do fotógrafo Luís Ksado pasarán a ser propiedade do Concello de Vigo. O responsable local de Cultura, Xesús López, anunciaba o pasado día 30 a adquisición destes fondos por un prezo de 30.000 euros. O material pasará a formar parte da exposición do futuro Centro Galego de Fotografía que se creará na cidade.