A Casa da Fotografía de Vigo pasará a albergar a sede local da Deputación

A Casa Galega de Fotografía de Vigo, que abriu as portas para unha exposición sobre a historia da cidade en 2015 e permanece fechada desde entón, vai ter un novo uso. Segundo anunciaba onte o Faro de Vigo nunha reportaxe, este equipamento cultural pasará a ser a sede da Deputación de Pontevedra na cidade, perdendo así o uso cultural previsto inicialmente. Segundo adianta o rotativo vigués, a entidade provincial pasaría a ocupar os dous andares superiores do edificio situado no casco histórico olívico, ficando a planta baixa para exposicións e un soto para uso como arquivo municipal.