Vigo afianzará o Arquivo Pacheco en 2009

A Concellaría de Cutlura e Animación Sociocultural de Vigo contará un orzamento un 10% maior para 2009. O responsable deste departamento, Xesús López, anunciou que en total serán 8.570.293 euros os que se investirán este período, dos que 4.702.772 irán para o departamento de Cultura. Os fondos destinados ao Arquivo Pacheco, que recolle os traballos deste histórico fotógrafo vigués, son os que máis se incrementan, cun 183% máis que supoñen 170.000 euros. Asimesmo, adiantase un orzamento de 90.000 euros destinados a vindeira edición dos Festiclown, que afianzará así a súa presenza na Cidade Olívica logo da xeira de transición deste ano. No entanto, López destacou que se destinará máis dun millón de euros a subvencións ás asociacións sen ánimo de lucro, e que outros 400.000 mil apoiarán a programación de música, teatro e danza.

Os terreos do Pazo do Congresos (541.000 euros), as obras do Auditorio (450.000) e mais melloras na Casa Galega da Cultura (240.000) son outros investimentos destacados. Finalmente, 70.000 euros irán destinados a desenvolver o proxecto da rede museística municipal e que mediante convenios o Verbum contará con 710.000 euros e a rede de bibliotecas de 518.783.