Cultura convoca axudas á creación de banda deseñada en galego

As tan anunciadas axudas para creación de obras longas de banda deseñada en galego xa son unha realidade. Pendentes da publicación das bases desta iniciativa no Diario Oficial, a Consellaría de Cultura anunciaba onte a convocatoria dunha liña de apoio para a creación que conta cun orzamento total de 30.000 euros. Os autores interesados deberán presentar un proxecto da súa obra, e disporán de doce meses para o completar. Cada un dos proxectos poderá recibir un máximo de 6.000 euros, e os interesados dispoñen nun mes a partir da publicación desta orde no DOG.