Detalle da obra premiada Reflexos: réplicas (Diálogos en Unland), de Holga Méndez
Naceu co obxectivo de dar un espazo (e uns cartos) aos novos creadores. Oito anos despois o Premio Auditorio de Galicia para Novos Artistas é xa unha referencia para facer unha sondaxe de cómo está a creación artística nos máis novos. Nesta ocasión, a gañadora foi Holga Méndez coa súa obra Reflexos: réplicas (Diálogos en Unland). Os catro accésits foron para Joan Morera pola obra Vigo-Dakar, Tamara Feijoo Cid por Antropofaxia; Damián Ucieda por Home gritando núm. I e para o colectivo FUR ALLE FALLE por Os Lolos 23F. O quinto accesit sairá das votacións do público que se pase polo Auditorio de Galicia antes do 28 de febreiro.
