Wenceslao González ingresa na Academia Internacional de Filosofía das Ciencias

É unha das entidades máis importantes do mundo no ámbito da filosofía e xurdiu a mediados dos anos cincuenta, co obxectivo de demostrar que a filosofía servía para comprender os resultados da ciencia. Pois ben, esta entidade á que pretenceron científicos e filósofos como Einstein, Schroedinger, Bohr, von Neuman, Popper, Piaget, Bunge, Chomski ou Quine, conta desde esta semana cun galego. Trátase do investigador ferrolá, Wenceslao J. González, catedrático da Universidade da Coruña, docente nas universidades de Saint Andrews, Münster así como na London School of Economics.