Imaxe A velliña vellaA velliña vella é un conto de Vicente Risco que adapta a San Andrés de Teixido unha historia popular irlandesa. Agora, a fundación que leva o nome do ourensán acaba de tirar do prelo unha versión da mesma en forma de banda deseñada. A obra recolle ademais o texto orixinal acompañado dunha ampla guía didáctica que fai propostas sobre cuestións coma arqueoloxía, antropoloxía, comprensión lectora e creación de cómic. Lois Martínez Risco explícanos esta iniciativa e adiántanos os vindeiros proxectos da Fundación Risco no campo da BD: Unha versión de Do caso que lle aconteceu ao Doctor Alveiros xunto con A trabe de ouro e a trabe de alquitrán, e mais a adaptación de Dédalus en Compostela.
