Un simposio analiza a obra de Vicente Risco, O porco de pé

Cúmprense oitenta anos da primeira edición de O porco de pé, un dos clásicos da Xeración Nós escrita por Vicente Risco. Para celebrar a efeméride, a fundación que leva o seu nome decidiu organizar un simposio (do 1 ao 4 de decembro en Ourense) a propósito da novela que conta como “Don Celidonio ascendeu de porco a marrán e chegou a alcalde”. Luis Martínez Risco, da Fundación Vicente Risco, afirma que “nos parecía oportuno actualizar a obra e dala a coñecer, principalmente porque segue a ser unha lectura obrigada nas aulas” Arturo Lezcano, Anxo Tarrío, Manuel Forcadela son algúns dos participantes deste encontro no que se presentará unha edifición facsimilar da obra (editada por Galaxia e que non estará nas librarías) así como unha unidade didáctica sobre a obra (que estará dispoñible no sitio web da Fundación).