Un protocolo de traballo entre a Editorial Galaxia e a Fundación Vicente Risco asegurará que as obras do autor ourensán cheguen ao público "dun xeito sistemático e coidado". Este é o contido dun convenio de colaboración asinado onte entre ambas entidades representadas pola presidenta da fundación, Celia Pereira Porto, e o presidente da Editorial Galaxia, Antón Vidal Andión. O obxectivo é o de espallar, publicar, dar a coñecer e reimprimir a obra de Vicente Risco dentro das coleccións da editorial. Malia que era algo que xa se viña facendo dun xeito regular, este protocolo de traballo axudará a que os libros do autor de "O porco de pé", unha das figuras centrais da nosa historia cultural e literaria, estean presentes dun xeito constante nas librarÃas de todo o noso paÃs.
