Retrato de Vicente Risco cando novo. Fonte: Fundación Risco
“Un percorrido polos lugares da vida de Vicente Risco, as súas teimas e a relación con Europa”. Este é, basicamente o contido de Vida e época de Vicente Risco, un libro cheo de imaxes publicado por Ediciones Amberley e desenvolvido pola Fundación Vicente Risco. O presidente desta entidade, Lois Martínez Risco, explícanos o que podemos atopar na obra, e comenta algunhas destas imaxes, auténticos testemuños dunha época e dun xeito de ver o país.
