Obras de Vicente Risco terán versión en banda deseñada

Vicepresidencia da Xunta, a Fundación Risco e a Asociación BD Banda asinaban en Allariz o pasado sábado un protocolo que permitirá a adaptación a banda deseñada de obras do autor ourensán. No convenio, a Fundación cede os dereitos das obras, a asociación encargarase de xestionar a adaptación e a edición e vicepresidencia achega fondos ao proxecto e comprométese a distribuír as obras en bibliotecas e centros de ensino. Está previsto que este mesmo ano vexan a luz as dúas primeiras entregas deste proxecto.