Pezas de madeira, cerámica xunto con tecidos como o raso ou o punto e todo inspirado nos cortes xaponeses. Esta foi a aposta coa que Rosa Martinez se fixo co premio Tesoira 2009, o único galardón que existe en Galicia para premiar a creación aplicada á moda. Victoria Estévez e Jesica Costas quedaron en segunda e terceira posición coas súa coleccións Baobabs e Ratiñas, respectivamente. Por outra banda, o luns comeza en Pontevedra Debut 09, o desfile de fin de carreira da Escola de Deseño e Moda de Galicia que se complementa con obradoiros de traballo e encontros no que participarán profesionais do mundo da moda como José Castro ou representantes de Bimba&Lola e Caramelo.
