A Universidade de Santiago, o Instituto Tecnolóxico Empresarial Caixa Galicia, o Concello de Lalín, a Consellaría de Innovación, Industria e Comercio, o Instituto Marangoni e un grupo de empresarios galegos acaban de poñer en marcha o “Máster en xestión de empresas de moda e deseño téxtil”. Segundo unha nota de prensa, o curso ten unha duración de 500 horas está dirixido a profesionais e licenciados que queiran orientar a súa carreira ao seu sector. Este curso únese aos xa existentes sobre o sector téxtil que hai en Galicia, como son o curso de posgrado da Universidade da Coruña e a titulación de moda en Pontevedra.
