Un desfile pecha a programación da semana da moda en Pontevedra

Xornadas, encontros, obradoiros de traballo, exposicións e un desfile. Este era o programa co que a Escola de Estudos Superiores en Deseño Téxtil e Moda (Esdemga) quixo celebrar a cultura da moda ao longo desta semana. A celebración conclúe hoxe cun programa dobre. Dunha banda un desfile (Debut08) coas propostas dos estudantes que se acaban de gradurar na Escola e, da outra, as exposicións Mulleres de Branco e François Kollar e a moda. As mostras recollen os traxes que durante finais do XIX e do XX crearon a moda nupcial dunha época, xunto coas fotografías de Kollar que ten publicado en revistas como Harper´s Bazar ou Vogue.