Desfiles de novos deseñadores e de ata trinta marcas, showrooms, exposicións, audiovisuais e mesmo concursos de cócteis e de tapas fan parte do programa de PONMO. Pontevedra Moda, a pasarela que substitúe a desaparecida Pontus Veteris arrinca esta tarde a súa programación coa inauguración da mostra fotográfica DUAL de Marcos Suárez, unha actividade de danza para nenos e mais un desfile inaugural no que se amosarán as creacións de 5 creadores saídos da Escola de Moda de Pontevedra.
