“En Galicia hai un certame para os deseñadores novos, os que comezan (Tesoira) e outro para os xa consolidados (o Pontus Veteris) pero existe todo un abano de creadores que quedan no medio”. Así explica José Matteos o contexto no que nace Singular Stop II, a pasarela creada para eses deseñadores novos e innovadores. A cita inclúe actividades paralelas e desfiles para achegar as propostas máis innovadoras da moda con arte e música. Unha proposta que terá lugar entre hoxe e máis mañá nunha das salas do MACUF.
