Xa se coñecen os finalistas dos premios Tesoira para novos deseñadores. O director xeral de Xuventude, Rubén Cela, presentaba onte as dez promesas do deseño de moda que foron seleccionadas de entre cincuenta e catro propostas e que presentarán as súas creacións o vindeiro día dez no teatro do Centro Cultural Caixanova, en Vigo. Será durante este acto cando se dea a coñecer o nome dos tres gañadores da edición deste ano do certame. Os interesados nos novos creadores do téxtil poden ver esta mesma noite o traballo trinta deles, galegos e foráneos, na Pasarela de Novos Deseñadores que se celebra no marco de Vigoferia e que patrocina Caixanova. Os deseños poderán verse ata o vindeiro día seis na entrada do recinto feiral.
Máis información en Faro de Vigo e no web de Vigoferia
