O Festival Catropezas celebrarase malia á retirada de apoios

A retirada de apoio por parte da Consellaría de Cultura reduciu nun terzo o orzamento do festival de danza Catropezas, de Vigo. No entanto, o Teatro Ensalle que organiza o evento, asegurou que a programación do mesmo vai adiante e que programará 13 actuacións desde mañá e ata o vindeiro día 29 de novembro, con nomes coma Pisando Ovos, Provisional Danza, Emmanuel Eggermont, Ruth Balbís ou a primeira actuación de Antía Díaz en Vigo, entre moitos outros. Ao tempo, a recoñecida bailarina Carmer Werner impartirá un curso intensivo entre os días 24 e 26 este mes. Cultura achegaba cada ano 8.000 euros á organización deste evento, e a organización sinala que, de non se restaurar este apoio, a continuidade do festival para vindeiros anos está en perigo. Teatro Ensalle puxo xa en marcha unha campaña para solicitarlle á Xunta que recupere a colaboración co evento.