O Teatro Ensalle celebra o seu V Festival de Danza Catropezas

É unha das citas coa danza alternativa máis significativas en Galicia. O Teatro Ensalle acolle desde esta fin de semana a quinta edicion do festival Catropezas. Arrancou con Impromptus, a segunda parte da triloxía O exilio e o reino, de Fernando Renjifo que dá paso, do 12 ao 14 de novembro, a “Irresponsables” (12-14 de novembro), que conta os complexos e inseguridades das persoas. A terceira cita será “Métanse nos seus asuntos” (19-21 de novembro), un solo de danza que se move entre a evocación de lugares comúns e a exposición da privacidade. Pecha o programa, os seis solos e unha noite de improvisación agrupados en “Seis Cordas”, do 26 ao 28 de novembro.