Coñecéronse no marco do extinto En pé de pedra e agora repiten para ofrecer un espectáculo singular de danza xaponesa a ritmo de cantareira. Falamos da xaponesa Hisako Horikawa e de Felisa Segade, de LeilÃa, que ofrecerán mañá o espectáculo que inaugura a sétima temporada do Teatro Ensalle. Un programa no que a danza contará cun espazo prioritario. Primeiro coa IV edición do festival de Danza Contemporánea Catropezas09 que contará con numerosas estreas; seguido de Seis Cordas, encontro no que participarán os seis mellores coreógrafos do panorama actual.
