Varela reúnese con Eisenman para explicarlle o seu calendario sobre a Cidade da Cultura

Era a primeira reunión con Peter Eisenman, arquitecto responsable da Cidade da Cultura, desde que Roberto Varela tomou posesión como Conselleiro de Cultura. O encontro, que segundo unha nota de prensa da Consellaría foi “cordial e positivo”, tiña como obxectivo axustar os ritmos da construción do edificio á celebración do Xacobeo e á intención de comezar a abrir ao público o complexo do Gaiás. Nela, conselleiro e arquitecto analizaron as propostas presentadas ao concurso de urbanización da Cidade da Cultura e que son imprescindibles para permitir o acceso á mesma. Ademais, Varela trasladoulle a Eisenman a intención da Xunta de concluír o conxunto arquitectónico, aínda que non precisou cando.