O Café Vechio e o restaurante Fornos na Coruña ou a Casa do Mar de Malpica son algúns dos locais nos que se conservan
aínda frescos orixinais de Urbano Lugrís. A Comisión 4ª de Educación e Cultura do Parlamento de Galicia aprobaba esta
mañá instar á Consellaría de Cultura para que faga un inventario e desenvolva proxectos de recuperación destas e doutras obras semellantes do pintor. Segundo denunciou o parlamentario do PSOE Francisco Cerviño, en moitos casos os frescos de Lugrís están a se deteriorar e non existe un listado exhaustivo sobre o seu número, localización e estado.
