Existe alguén interesado en adquirir os murais de Urbano Lugrís que se conservan no número 25-27 da rúa Olmos da Coruña. O Boletín Oficial do Estado publicaba este 15 de febreiro o anuncio no que o xulgado do Mercantil número 3 da Coruña sinalaba ter recibido unha oferta de 30.000 euros por estas obras de arte e abría un prazo de 5 días para a mellorar.
Segundo recollen este 21 de febreiro diferentes medios da cidade, a oferta fai parte do procedemento de concurso de acredores ao que están sometidos os antigos propietarios do edificio en estado ruinoso que alberga estes frescos. Segundo anunciou o Concello, o edificio en si xa foi vendido e os novos responsables iniciaron traballos para evitar máis filtracións de augas como as que podían estar a afectar aos murais.
A Asociación O Mural, que leva anos a reivindicar a protección destes bens, sinalou que a oferta está moi por baixo do valor real dos murais, pero celebra que haxa interese por os adquirir e evitar a súa degradación.
A Asociación O Mural, que leva anos a reivindicar a protección destes bens, sinalou que a oferta está moi por baixo do valor real dos murais, pero celebra que haxa interese por os adquirir e evitar a súa degradación.