A venda dos murais de Urbano Lugrís que se conservan no edificio do antigo restaurante Fornos, na coruñesa Rúa Olmos, está a erguer expectación. Á oferta inicial por esta ducia de pezas, de 30.000 euros, e á que realizou a Xunta de Galicia, cifrada en 35.000, sumáronse outras dúas, de contía descoñecida.
A galería viguesa Montenegro confirmaba este 27 de febreiro estar detrás dunha destas novas ofertas. Segundo afirmou Víctor Montenegro, responsable deste espazo, a súa oferta é superior economicamente á realizada pola Xunta.
Ademais, segundo revelan hoxe diferentes medios, o xulgado do Mercantil número 3 da Coruña recibiu tamén unha cuarta oferta dentro do prazo legal para poxar. Tamén se deu a coñecer que detrás da oferta inicial de 30.000 euros está a mesma empresa que poxou por se facer polos dous edificios que albergan estes murais.
A galería viguesa Montenegro confirmaba este 27 de febreiro estar detrás dunha destas novas ofertas. Segundo afirmou Víctor Montenegro, responsable deste espazo, a súa oferta é superior economicamente á realizada pola Xunta.
Ademais, segundo revelan hoxe diferentes medios, o xulgado do Mercantil número 3 da Coruña recibiu tamén unha cuarta oferta dentro do prazo legal para poxar. Tamén se deu a coñecer que detrás da oferta inicial de 30.000 euros está a mesma empresa que poxou por se facer polos dous edificios que albergan estes murais.
