Comezan as conferencias para difundir a cultura galega en Londres

Trátase dunha iniciativa para dar a coñecer a cultura do noso país en Londres da man de reputados profesores de universidade, deputados e personalidades. E para abrir o proxecto, o presidente da Xunta (que tamén é presidente de honra do Consello da Cultura Galega), Alberto Núñez Feijoo, acode hoxe á capital británica nun acto no que estará o presidente do CCG, Ramón Villares; o chairman da Anglo-Spanish Cultural Foundation-Founder Vicente Cañada Blanch (London school), David Brighty; e Paul Preston, director do Cañada Blanch Centre for Contemporary Spanish Studies. De seguido, terá lugar a conferencia inaugural na que Pedro Puy Fraga falará sobre Galicia na política española actual.