O Presidente do Consello da Cultura Galega, Ramón Villares, e o Chariman e director da Anglo-Spanish Cultural Foundation (Founder Vicente Cañada Blanch), David Brighty e Paul Preston, realizarán actividades conxuntas de intercambio cultural. Iso tradúcese en conferencias, seminarios e cursos sobre programas de interese para as dúas institucións e o intercambio de experiencias culturais. A primeira desas actividades terá lugar o vindeiro curso académico (2009-2010) coa organización de diferentes actividades na sede do Cañada Blanch Centre for Contemporay Spanish Studies.
A Anglo-Spanish Cultural Foundation, patrocinador do Cañada Blanch Center for Contemporary Spanish Studies, forma parte do Instituto Europeo da London School of Economics and Political Science, pertencente á Universidade de Londres. Promove a investigación e o ensino da historia contemporánea española, a súa economía, socioloxía e cultura.
