O último poemario de Manuel María, "Brétemas do muiñeiro", presentouse onte na Galería Sargadelos de Lugo. O libro, escrito en 1977, publícase na colección "Hipocampo Amigo".
Poemario inédito
Segundo declarou o autor na presentación, "Brétemas do muiñeiro" pecha o ciclo iniciado en 1950 coa publicación de "Muiñeiro de brétemas". A obra, rematada en 1977 ía ficar inédita pola decisión do poeta de non publicar nin escribir máis versos. Foi a petición Sabino Torres Ferrer de publicalo na súa nova colección poética, o que permitiu o rescate do poemario.
Presentación
No acto de presentación, Manuel María sinalou que esta obra ten un fondo surrealista, con imaxes independentes e referencias tanto á paisaxe humana como á xeográfica. A presentación incluíu un recital do autor consistenten en dez poemas inéditos dedicados ás dez portas da muralla de Lugo.
Outra obra
Onda o poemario de "Brétemas do muiñeiro", onte presentouse o libro "Xograría Nova" de Sabino Torres. Manuel María definiu esta obra como parte da tradición de xograres e trobadores que ten Galicia. Ó final do acto, os dous poeta homenaxaron ó falecido Virgilio Nóva Gil reivindicando o seu libro "O soño desancorado e outro poemas".
