Logo de terse dado por perdido desde 1950 , hai dous anos aparecía na casa mindoniense de Álvaro Cunqueiro, a única copia mecanografada de Elexías á miña vida pequeniña, un poemario que Manuel María enviara ao escritor para a súa publicación. Onte presentábase en Compostela esta obra, ata o de agora inédita, que recolle trece elexías do autor nunha versión facsimilar onda outra que o propio poeta actualizara antes do seu falecemento. Tamén se pode consultar no volume un estudo sobre o autor realizado por Antón Xosé Meilán García.
