Feijóo está disposto a abrir a toponimia ao castelán

Se o Concello da Coruña solicita que o topónimo en castelán da cidade sexa oficial o Parlamento iniciará un debate sobre esta cuestión. O presidente da Xunta, Alberto Núñez Feijóo, respondíalle onte aos xornalistas nunha rolda de prensa en Compostela que está disposto a que se discuta a cuestión da toponímia na cámara galega, e considera que se debe respectar o parecer dos cidadáns neste ámbito. Así, animou ao concello herculino a solicitar a revisión da Lei de Normalización Lingüística neste sentido, aínda que sinalou tamén que na súa opinión este "non é un asunto prioritario para Galicia".