A chuvia como condicionante

Sarabela Teatro repite, trece anos despois, cunha adaptación dunha das obras clave da narrativa galega, A Esmorga de Eduardo Blanco Amor. Daquela non había Auditorio municipal en Ourense e os actores ensaiaban nun almacén de patacas, por iso, aínda que partan do mesmo texto, a montaxe que agora se recupera é diferente, moito máis ambiciosa e moderna. Con música en directo e dez personaxes, Sarabela recupera un dos clásicos da nosa literatura e coa que se estrea como compañía residente.