Sarabela teatro ultima a representación da súa versión da novela “A conxura dos necios”

Sarabela teatro atrévese con outra novela. Logo do éxito acadado polas adaptacións das novelas “A esmorga” e o “Lápis do carpinteiro”, agora prepara “A conxura dos necios”. E este traballo xa ten data e lugar: o 2 de outubro no Teatro Principal de Ourense. Logo de seis meses de traballo para reducir as 400 páxinas da novela e caracterizar as 15 personaxes, a adaptación da novela caracterízase polos cambios de ritmos na acción para conseguir, segundo publica hoxe La Región, “unha obra delirante divertida e na que haberá sorpresas para o público”.