Finalistas dos XIV Premios María Casares
Música en directo, dez actores, trece anos despois de intepretala por primeira vez e doce candidaturas. A adaptación da novela de Eduardo Blanco Amor, A Esmorga, a cargo de Sarabela Teatro é a máxima favorita para os María Casares, o grandes premios do teatro galego. A obra dirixida por Ánxeles Cuña é finalista en todas as categorías nas que se podía presentar (menos a de mellor texto orixinal). Séguelle outa adaptación, O segredo dos Hoffman, con sete candidaturas (destacan a de mellor dirección, espectáculo, actriz protagonista e secundaria, actor secundario) e Palabras Encadeadas con catro. Os gañadores saberanse na gala de entrega de premios que terá lugar no Teatro Rosalía de Castro (A Coruña), o vindeiro 24 de marzo.
