A representación nos Premios MAX redúcese á categoría de autor teatral en galego

Cándido Pazó por A piragua, Ánxeles Cuña por Dame veleno....eu tamén soñar, Jorge Rey por Frida e Roberto Salgueiro por Valentino Rufini e Akil Pillabán de viaxe a Milán (e van sen un can) son candidatos a mellor autor teatral en galego dos premios Max. E tamén os únicos finalistas do noso país, xa que non hai ningunha produción nas demais categorías. O gran favorito é o espectáculo Urtain de Animalario Teatro e con doce candidaturas entre as que destacan o de mellor espectáculo, mellor director e mellores actores protagonista e secundario.