Dame veleno, eu tamén soñar
A súa visión particular sobre a eutanasia que se retrata en Dame veleno, eu tamén soñar acáballe de valer a Ánxeles Cuña Bóveda o premio Max na categoría de mellor autor teatral galego. A ourensá recibiu o seu premio no transcurso da gala desenvolvida no Museo Reina Sofía, aínda que xa sabía que o premio era para ela. A SGAE publicou no seu web, horas antes de que tivera lugar a gala, a listaxe de gañadores. A gran vencedora da noite foi Urtain, de Animalario Teatro, que recibiu nove galardóns. Entre eles, o de mellor espectáculo, mellor actor protagonista (Roberto Álamo) e de reparto (Alfonso Lara).
