Unhas xornadas analizarán a influencia dos procesos glaciares nas serras sudorientais

O modelado actual das terras galegas está condicionado polos proceso glaciares e periglaciares. Por iso, as VII xornadas Ciencia e Territorio que comezan mañá en Melide, propoñen analizar esa época exemplificado nas serras sudorientais do país. O encontro está organizado por Nova Escola Galega que desde o 2003 pretende amosar con este tipo de encontros como se pode aproveitar o noso contorno no ámbito didáctico. A principal novidade desta edición (que se desenvolve ata o venres) é que non se centran só en analizar a comarca de Melide, senón que se ampliou a todo o ámbito galego.