As VII Xornadas Ciencia e Territorio analizarán os glaciares

Os interesados en coñecer o xeito en que os glaciares modelaron a paisaxe galega teñen unha boa ocasión entre os días 9 e 11 de setembro. O IES Melide e Nova Escola Galega teñen aberta a inscrición para as VII Xornadas Ciencia e Territorio, que levan por título Os procesos glariares e periglaciares en Galicia: o exemplo das serras sudorientais. Alén de conferencias sobre o tema, a actividade inclúe saídas de campo ao Courel, Pena Trevinca e Manzaneda guiadas polo catedrático de Xeografía Augusto Pérez Alberti.