A recuperación do Camiño de Peregrinación do Ribeiro, reivindicada desde hai varios anos polo colectivo Castela Auriense, entre outros, recibiu onte un importante pulo. O delegado da Xunta en Ourense, Rogelio MartÃnez, comprometeu o seu apoio para a posta en valor deste trazado de cara ao vindeiro Xacobeo. O delegado reuniuse coa Encomenda do Camiño Xacobeo do Ribeiro, un colectivo que representa asociacións e concellos que comparten a reivindicación desta ruta de peregrinación. MartÃnez anunciou o seu interese en involucrar os gobernos locais da zona nos traballos de posta en valor, que incluirán delimitación, sinalización e promoción da vÃa.
