A galiña azul coma símbolo de diversidade, pluralidade, integración e solidariedade. Esta é a explicación de daba onte a conselleira de Traballo e Benestar, Beatriz Mato, e o conselleiro de Educación, Xesús Vázquez na presentación do logotipo que identificará a Rede Galega de Escolas de Infantís. A rede integrará todos os centros dependentes da Xunta destinados a este ciclo, entre os que se atopan as Galescolas xestionadas polo Consorcio do Benestar, cun total de 110 centros. O logotipo baséase no conto A galiña azul de Carlos Casares, que conta a historia de como o alcalde quere matar este animal por non ser coma os demais.
