A rede de escolas infantís en galego consegue os apoios para botar a andar

Case unha semana antes da data prevista, o 17 de maio, o proxecto dunha rede privada de escolas infantís en galego que promoveu a plataforma Galiza co galego conseguiu os apoios necesarios para botar a andar. Máis de 3.000 persoas de todo o país comprometéronse a achegar entre 100 e 200 euros para que no vindeiro curso exista un primeiro xermolo desta rede. Diferentes centros xa existentes no país amosaron o seu interese en se integrar no proxecto, que pretende facilitar a existencia de centros que teñan a nosa lingua como vehicular para nenos de entre 0 e 3 anos.