Aparece un importante depósito castrexo onda as obras da estrada a Laxe

As prospeccións relacionadas coas obras da estrada AC-443 acaban de tirar á luz en Soesto (Laxe) un importante depósito castrexo da Idade do Ferro. Para alén de muros de máis de tres metros, destaca no conxunto unha impresionante entrada de carácter monumental e, como curiosidade, o que semella ser unha porta tapiada. Está pendente de verificación ata que punto as obras da estrada poden afectarlle a estes restos, aínda que a Consellaría de Cultura asegurou que o depósito está a salvo.