Un polígono industrial estraga 4.000 metros cadrados dun castro

A ampliación do polígono industrial de San Cibrao, en Cervo, danou seriamente 4.000 metros cadrados do depósito castrexo do Coído. A Asociación Mariña Patrimonio denunciaba onte que as obras afectaron á área do antecastro e destrozaron parte dos parapetos defensivos do conxunto. Na área apareceron abondosos restos de cerámica castrexa, o que para o colectivo verifica a existencia dun depósito arqueolóxico descoñecido ata o de agora na zona.